Cart
0
"Main soch raha tha ke ye sab kaise shuru hua..."
Aksar log muj sa, Ali Faizan Kazmi as an entrepreneur puchte hain ke aaj ke is modern daur mein, jahan har jagah non-stick, plastic aur metal ka raaj hai, maine mitti ke bartanon ka hi kaam kyun chuna? Sach toh ye hai ke DYZ Clay ki shuruat sirf ek karobar ke liye nahi hui, balki ye ek khoj thi—apni roots ki taraf wapas janay ki aur har ghar mein sehat-mand organic zaiqa wapas lane ki.
2019: Ek Khayal Jo Maqsad Ban Gaya
DYZ Clay ka safar 2019 mein ek chote se khayal se shuru hua. Main ny mehsoos kiya ke hum stylish bartan toh le aate hain, lekin wo purani "Mitti ki Khushbu" hamari zindagiyon se khatam ho rahi hai. Maine thaan li ke mitti ko sirf purane zamane ki yaad nahi rehne dena, balki isay har modern kitchen ki zaroorat banana hai.
Founder & Entrepreneur
Main, Ali Faizan Kazmi, as an entrepreneur kuch aisa karna chahta tha jo hamari roots se juda ho. Is shuruat mein mere sath mere dost Gazanfer Raza bhi shamil thay. Hum dono ne din raat ek karke is mitti ke kam ko khara kiya. Kuch waqt baad, mutual understanding ke sath Gazanfer apna business share lekar alag ho gaye. Ek entrepreneur ke taur par yeh mere liye ek naya imtihan tha, lekin maine thaan li thi ke DYZ Clay ke is mission ko rukne nahi dena. Maine akele is safar ko agay barhaya taake mitti ki khushbu aur sehat har ghar tak pohochy.
Modern Kitchens Ke Liye Naya Andaaz
Shuruat mein ek bohot bara challenge ye tha ke log mitti ko "old-fashioned" samajhte thay, hamare modern kitchen mein ye achay nahi lagenge.”
Isi liye, DYZ Clay ne design par sab se zyada mehnat ki. Hum ne mitti ko ek modern aur sleek look diya. Hum ne glass lids aur flat bottoms introduce karwaye taake ye bartan aapke modular kitchens aur modern stoves par perfect nazar aayein. Aaj humein fakhar hai ke hamare designs itne hit hue ke ab dusri companies hamare designs ko copy kar rahi hain. Lekin hum hamesha kehte hain: Design toh copy ho sakta hai, lekin DYZ Clay ki quality aur jazba nahi!
Ek Murda Industry Ko Nayi Zindagi aur Lakkhon Ka Rozgar
DYZ Clay ki sab se bari kamyabi sirf sales nahi, balki wo tabdeeli hai jo hum ne local market mein dekhi. Jab hum ne start kiya, toh mitti ke bartanon ki industry taqreeban dam torr chuki thi. Karigar ye kaam chor rahe thay.
Lekin jab se DYZ Clay ne mitti ko promote kiya, logon ki tawaju dobara is taraf laut aayi. Aaj hamari wajah se wo "Dead Industry" phir se zinda ho chuki hai. Aaj is industry sa judy lakkhon log—mahir karigaron se lekar packing aur delivery team tak—is kaam se apna rizq kama rahe hain. Humein fakhar hai ke DYZ Clay ne na sirf kitchen badle, balki un gharon ke chulhe bhi jalaye jo is sadiyon purani san'at (art) se jude huye thay.
Challenges: Mitti Ko Online Bechna
Log kehte thay ke mitti online nahi bik sakti, "ye toh raste mein toot jayegi." Delivery hamare liye ek imtihan tha. Hum ne din raat ek karke aisi secure packaging tayyar ki jo mitti ke nazuk bartanon ko Pakistan ke har kone tak sahi salamat pahunchati hai. Aaj jab hamara "Clay Cooler" ya "Royal Set" sahi salamat pahunchta hai aur customer khushi ka izhaar karta hai, toh lagta hai hamari mehnat wasool ho gayi.
Hum Kya Kar Rahe Hain?
DYZ Clay par hamara mission sirf bartan bechna nahi hai. Hum:
-
Artisans ko support kar rahe hain: Un mahir karigaron ki mehnat ko agay la rahe hain jo hathon se mitti ko shakal dete hain.
-
Quality First: Har product ko bhejte waqt main khud check karta hoon ke kahin se koi kach kacha na ho ya finish mein kami na reh jaye.
-
Health Awareness: Hum chahte hain ke har ma apne bachon ko chemical-free aur organic bartanon mein khana bana kar khilaye.
Agla Qadam
Ye toh sirf shuruat hai. DYZ Clay ka safar aap sab ke sath hai. Hum nayi innovations laate rahenge taake mitti ki shifa aur modern kitchen ka style sath-sath chalta rahe.
DYZ Clay se judne ka shukria—Jahan Tradition aur Modernity milte hain.
Humara Paigham
Hum sirf bartan nahi bech rahe, hum ek sehat-mand lifestyle promote kar rahe hain. Yaad rakhiye:
"Bartan Badlo, Zindagi Badlo" "Sehat-mand Pakao, Sehat-mand Khao, Sehat-mand Jiyo"
